بيقولك طيارة بدون طيار اخترقت الحدود المصرية وضربت بؤرة ارهابية ومنصة اطلاق صواريخ ومات 5 واصابة دراجة بخارية بجروح
الاهم بقي في الخبر ، ان ده تم بالتنسيق مع القوات المسلحة المصرية.
تعالى بقي اعرفك ان الخبر فبركة وفبركة عبيطة كمان
أولا: مبدئياً المقصود بالخبر "السيسي" وتشويه صورته كالعادة.
اغبية وديماً همهم من هم الاشخاص . ومش عارفين ان فبركة زي كدة
بتسيء للجيش المصري كله.
ثانياً: اللى فبرك الخبر حب يعمل سوكسيه فهربت منه ووسعت لأنه غبي
ليه بقي ..
لأن ضرب موقع بطيارة بدون طيار ، يتعارض مع كلمة (تنسيق) لانها هتدخل متسللة تنفذ العملية وتخرج ، ولو الردار لقطها ، سلاح الدفاع الجوي هيضربها ، فلو اضربت تبقى جت في طيارة ، ومجتش في طيار مقاتل ممكن يتقتل أو يتم آسره .
فلو في تنسيق بقي زى ما الخبر اتروج ، يبقى هتدخل طيارات حربية بطيار ، لاء وكمان يتخدم عليها .
ثالثاً: مفيش دولة بتعمل تنسيق عسكري مع دولة معادية ويكون طبيعة التنسيق ان دولة منهم تدخل حدود الأخرى وتقوم بعملية عسكرية ، .واحنا بنتكلم عن مصر((والكيان الصهيوني )) التنسيق الوحيد اللى ممكن يتم بين دولتين اعداء ولكن في حالة سلام مؤقت . هو اخبار كل جانب للأخر بأى تحركات عسكرية علي الحدود بينهم .علشان ميتفهمش التحرك علي انه نقض لاتفاقية السلام واعلان حرب .
رابعاً: الجيش بقالوا فترة بيقوم بعمليات تطهير في سيناء وقضاء علي البؤر الإرهابية ، وبالفعل تم الإعلان عن نتائج العمليات دي ، فلو في بؤرة الجيش محتاج يضربها ليه ينسق مع دولة معادية ، تدخل ارضنا وتقوم بالعملية نيابة عنه، مطيارة مصرية تطلع تضرب البؤرة ، ولا حتى نحدد احداثيات الموقع ويتم نسفة بالمدفعية .
واخيراً عايز الكل يعرف ان مصر تمتلك منظومة دفاع جوي قوية جدا وهى من اقوي منظمات واسلحة الجيش ، فلو دبانة قربت بيرصدها الردار بسهولة جدا، وبيتم التعامل معاها .
ملحوظة : الجيش نفي صحة ما تردد حول اختراق الاراضى المصرية من الجانت الصهيوني ، وجارى التحقق من طبيعة الإنفجار .
وعليك انت بقى تفكر بالمنطق مين روج للخبر بالشكل التوظيفي ده ، علشان يقولك الجيش انشغل بالسياسة ونسي الحدود ، وبيضرب فينا ، ومش قادر علي الاعداء ، وده تم بالفعل بسرعة البرق ..!! وارجع بالذاكرة للفيلم اللي حصل بعد استشهاد 16 ضابط وجندي علي الحدود للضغط علي طنطاوي -وعنان ،وكان زريعة لإستبعادهم .
حمي الله مصر وشعب مصر
محمد السيد
ليست هناك تعليقات:
إرسال تعليق