ولا تيار ثالث في ميدان
انا اللي الجيش بيحميني
ويحكمني رئيس مدني
انا المصري في كل اوان
انا الانسان
وانا اللي حلفت لبلادي
ما اموت الا فدا ترابها
وموتي عشانها شئ عادي
شهاده ونفسي اكسبها
وانا اللي كتبت علي بابها
انا مسلم ومش اخوان
انا الانسان
انا القبطي وده اداني
وانا المؤمن بأوطاني
وانا الكافر بكل الدنيا
من غيرك
زارع خيرك فأحضاني
وخيرك شافه الف ميدان
بيهتف والهتاف واحد
انا المصري ... انا الانسان
وانا الل زرعت شوق فيكي
وشوكي لجل يحميكي
ودوسي عليا اعليكي
واخبيكي من الطوفان
وهبتك قلبي مع روحي
يا من طيبتي ف جروحي
يا أعلي غاية ف طموحي
يا ساكنة القلب والوجدان
انا المصري.. انا الإنسان
تعالي نبني احلامك
عروسة وزفة قدامك
ونتمخطر سوى ع النيل
وكل الشعب عرسانك
وعزالك في كل زمان
بيحسدوا فيكي من حسنك
ونبعد عنك الحساد
بسطر بدايته من الانجيل
واخره يكون من القرآن
وكل حروفه تشهدلي
انا المصري .. انا الانسان
ليست هناك تعليقات:
إرسال تعليق